भरत रिमाल/कैलाली
पाकिस्तानको आक्रमणको असर जारी आईपीएलमा पनि परेको छ । आक्रमणका कारण धर्मशाला मैदानमा पञ्जाब किंग्स र दिल्ली क्यापिटल्सबिचको खेल रोकिएको छ ।
मैदानका सबै फ्लडलाइटहरू निभेका छन् र त्यहाँबाट सबैलाई खाली गराइएको छ । खेल रोकिँदासम्म पञ्जाबले १० दशमलव १ ओभरमा एक विकेट गुमाएर १२२ रन बनाएको छ ।
प्रभसिमरन सिंह र श्रेयस अय्यर क्रिजमा छन् । प्रियांश आर्य ७० रन बनाएर आउट भए । उनी टी नटराजनको बलिङमा माधव तिवारीको हातबाट क्याच आउट भएका थिए ।
पञ्जाबको १५ अङ्क छ र दिल्लीविरुद्ध जितले ऊ प्लेअफको धेरै नजिक पुग्नेछ । दिल्लीको ११ खेलबाट १३ अङ्क छ । यदि यो खेल हारे ऊ प्लेअफमा पुग्ने सम्भावना कमजोर बन्नेछ ।
भरत रिमाल यस नव त्रिवेणी मिडिया द्वारा संचालित त्रिवेणी टुडे अनलाईन पत्रिकाका अध्यक्ष तथा संचालक हुनुहुन्छ। जनताकाे निष्पक्ष आवाज बोल्नु हुन्छ। उहाँ विभिन्न समसामयिक विषयवस्तु, राजनीतिक र समाजमा भइरहेका विभिन्न विषयवस्तुमा रहेर कलम चलाउँदै पत्रकारिता गर्नुहुन्छ।
सम्पर्क नं: ९८४१४१२०७७