भरत रिमाल – कैलाली
झापाको केरखामा बुधबार साँझ यात्रुवाहक बसले ठक्कर दिँदा विद्युतीय साइकलमा सवार हजुरबुवा र नातिनीको घटनास्थलमै मृत्यु भएको छ।
पूर्व–पश्चिम राजमार्ग अन्तर्गत कमल गाउँपालिकाको केरखा सडक खण्डमा भएको दुर्घटनामा परी कमल गाउँपालिका- ३ निवासी ६० वर्षीय टेक बहादुर लिम्बू र उनकी १० वर्षीया नातिनीको बुधबार साँझ मृत्यु भएको हो।
दुर्घटनापछि स्थानीयले पूर्व–पश्चिम राजमार्ग अवरूद्ध पारेका छन् भने दुर्घटनामा संलग्न बस तोडफोड गरेका छन्।
प्र १– ०१ – ००१ ख ४३३१ नम्बरको बसले पश्चिम दिशातर्फ गइरहेको इलेक्ट्रिक साइकललाई ठक्कर दिएको थियो।
साइकलमा सवार हजुरबुवा र नातिनीको घटनास्थलमै मृत्यु भएसँगै स्थानीयले बसमा तोडफोड गरेको जिल्ला ट्राफिक प्रहरी कार्यालय झापाका वरिष्ठ प्रहरी नायव निरीक्षक अर्जुन सोडारीले जानकारी दिए।
भरत रिमाल यस नव त्रिवेणी मिडिया द्वारा संचालित त्रिवेणी टुडे अनलाईन पत्रिकाका अध्यक्ष तथा संचालक हुनुहुन्छ। जनताकाे निष्पक्ष आवाज बोल्नु हुन्छ। उहाँ विभिन्न समसामयिक विषयवस्तु, राजनीतिक र समाजमा भइरहेका विभिन्न विषयवस्तुमा रहेर कलम चलाउँदै पत्रकारिता गर्नुहुन्छ।
सम्पर्क नं: ९८४१४१२०७७