विपिन जोशीको रिहाईका लागि युवाहरूले गरे सडकमा नाराबाजी
सिद्धराज/लम्की – आज लम्कीचुहा नगरपालिका वडा नम्बर १ स्थित लम्की चौराहामा,हामी युवाहरू कहिलेसम्म विदेशिनुपर्ने हो सरकार विपिनको अवस्था सार्वजनिक गर्नमा कूटनीतिक दबाब सिर्जना गर भन्दै लम्कीचुहाका संयुक्त युवाहरूले र्याली तथा दबाबमूलक आन्दोलन गरेका छन् ।
उक्त कार्यक्रममा हमासको आक्रमणमा परेका तथा हमासको बन्धकमा रहेका महेन्द्रनगर कञ्चनपुरका विपिन जोशीको रिहाइको लागि उनको आमा र बहिनी इजरायल गएका छन् । यसै अवसरमा देशभरका विभिन्न स्थानमा विभिन्न तरिकाले आन्दोलन तथा दबाब दिइरहेको बेला लम्कीका युवाहरूले पनि दबावमूलक आन्दोलन गरेका हुन् । कार्यक्रममा संलग्न व्यक्ति कृष्ण उपाध्यायले आफ्नो कलाले सकेजति साहित्यिक ढङ्गबाट विभिन्न नाराहरू सिर्जना गरी आन्दोलनमा सहयोग पुर्याएका थिए । कार्यक्रममा युवाहरूले,
-नेपाल सरकार मुर्दाबाद
-विपिन जोशीको रिहाइको लागि दबाब दे
जस्ता विभिन्न नाराहरू लगाउँदै दबावमूलक कार्यक्रम गरेका हुन्। सिंगो देश तिम्रो पर्खाइमा छ भन्ने भावका साथमा तयार पारेको ब्यानर सहित विभिन्न साहित्यिक वाक्यांशसहितका नारा लगाएर उक्त दबावमूलक र्याली सहितको कार्यक्रम सम्पन्न भएको छ।
भरत रिमाल यस नव त्रिवेणी मिडिया द्वारा संचालित त्रिवेणी टुडे अनलाईन पत्रिकाका अध्यक्ष तथा संचालक हुनुहुन्छ। जनताकाे निष्पक्ष आवाज बोल्नु हुन्छ। उहाँ विभिन्न समसामयिक विषयवस्तु, राजनीतिक र समाजमा भइरहेका विभिन्न विषयवस्तुमा रहेर कलम चलाउँदै पत्रकारिता गर्नुहुन्छ।
सम्पर्क नं: ९८४१४१२०७७