लम्कीमा हुने इसाई समाजको सांस्कृतिक कार्यक्रममा गायक करन परियार सहभागी हुने
कैलालीको लम्कीचुहामा इसाई समाजले एक दिने ख्रीष्टियन सांस्कृतिक कार्यक्रम आयोजना गर्ने भएको छ । नेपाल राष्ट्रिय इसाई समाज, लम्कीचुहा नगर इसाई समाजको संयुक्त आयोजनामा यहि कार्तिक ७ गते (आइतवार) लम्कीमा कार्यक्रम हुने आयोजकले जानकारी दिएका छन् ।
लम्कीमा आइतवार आयोजित पत्रकार सम्मेलनमा कार्यक्रमका बारेमा जानकारी दिँदै पाष्टर चेतराज जोशीले यस सांस्कृतिक कार्यक्रमको उद्देश्य स्थानीय इसाई समुदायबीच एकता र सहअस्तित्व सुदृढ गर्नु रहेको बताए । उनका अनुसार ‘दाजुभाइहरू एकतामा बस्नु कति भलो र मनोहर कुरा हुन्छ’ भन्ने बाइबलको गहिरो सन्देशलाई आत्मसात गर्दै लम्की क्षेत्रको धार्मिक, सांस्कृतिक र सामाजिक पहिचानलाई उजागर गर्ने लक्ष्यसहित कार्यक्रम आयोजना गर्न लागिएको हो ।
कार्यक्रममा ख्रीष्टियन सांस्कृतिक प्रस्तुति, स्तुति आराधना, गवाही, प्रेरणादायी बाइबलीय प्रवचन तथा सामाजिक सन्देशमूलक विभिन्न प्रस्तुति रहनेछ। साथै, यस कार्यक्रममार्फत समाजमा प्रेम, सहयोग र आपसी सम्मानको सन्देश फैलाउने प्रयत्न हुने आयोजकले जनाएको छ ।
करीब चार लाख रुपैयाँ लागत अनुमान गरिएको सो कार्यक्रममा नेपाल आइडल सिजन २०२४ का विजेता करन परियार, गायक अनु चौधरीलगायतका कलाकारहरूको विशेष प्रस्तुति रहनेछ । स्थानीय मण्डलीका अगुवा, ख्रीष्टियन व्यवसायी तथा सामुदायिक प्रतिनिधिको सहयोगमा आयोजना गर्न लागिएको कार्यक्रमको प्रचार–प्रसार र सहभागिताका लागि आयोजक समितिले सबैलाई अनुरोध गरेको छ ।
भरत रिमाल यस नव त्रिवेणी मिडिया द्वारा संचालित त्रिवेणी टुडे अनलाईन पत्रिकाका अध्यक्ष तथा संचालक हुनुहुन्छ। जनताकाे निष्पक्ष आवाज बोल्नु हुन्छ। उहाँ विभिन्न समसामयिक विषयवस्तु, राजनीतिक र समाजमा भइरहेका विभिन्न विषयवस्तुमा रहेर कलम चलाउँदै पत्रकारिता गर्नुहुन्छ।
सम्पर्क नं: ९८४१४१२०७७