स्पेनले बलियो मानिएको क्रोएसिया लाई ३-० को सहज अन्तरले हरायो । पहिलो हाफमा नै ३ गोल गरेपछि क्रोएसिया खेलमा फर्कन सकेन ।
२९औं मिनेटमा कप्तान अल्भारो मिराटाले गोल गर्दै स्पेनलाई खेलमा अग्रता दिलाएका थिए । पहिलो गोलमा असिस्ट गरेका फाबियान रुइजले उत्कृष्ट फिनिस गर्दै ३२औं मिनेटमा नै अग्रता दोब्बर बनाए । तेस्रो गोल डयानी कार्भाजालले पहिलो हाफको अन्त्यतिर गरे । लामिन यमालको क्रसमा उनले गोल गरेका थिए ।
गएराति भएको अर्को खेलमा इटालीले अल्बानिया माथि २-१ को पुनरागमन जित निकालेको थियो । पहिलो मिनेटमा नै पछि परेको इटालीले पहिलो हाफमा नै २ गोल गर्दै अग्रता लिएको थियो ।
