विद्यार्थीको हातबाटै रकम गणना, श्री अरनिको राष्ट्रिय आधारभूत विद्यालयद्वारा प्रधानमन्त्री राहत कोषमा रु. ११ हजार ८५ सहयोग
लम्की – प्रधानमन्त्री राहत कोषका लागि श्री अरनिको राष्ट्रिय आधारभूत विद्यालय, मोहन्याल ०७ कुईनेले विद्यार्थी, समाजसेवी तथा अभिभावकहरूबाट स्वेच्छिक रूपमा संकलन गरिएको रु. ११ हजार ८५ सहयोग रकम राहत कोषमा जम्मा गरेको छ।
विद्यालयले विभिन्न व्यक्ति तथा समुदायबाट स्वेच्छिक रूपमा प्राप्त गरेको रकम विद्यार्थीहरूकै प्रत्यक्ष सहभागितामा गणना गराई जम्मा रकमको यकिन गरेको हो। संकलित रकम पारदर्शी रूपमा विद्यार्थीहरूकै हातबाट गन्न लगाएर प्रधानमन्त्री राहत कोषमा जम्मा गरिएको विद्यालयले जनाएको छ।
सहयोग रकम संकलनदेखि गणनासम्म विद्यार्थीलाई प्रत्यक्ष सहभागी गराइएको कार्यले उनीहरूमा सामाजिक उत्तरदायित्व, मानवीय भावना, सहयोगी संस्कार तथा आर्थिक पारदर्शिताको अभ्यास विकास गर्न महत्वपूर्ण योगदान पुग्ने विश्वास गरिएको छ।
विपद् तथा संकटका बेला विद्यार्थी, अभिभावक, समाजसेवी र विद्यालय परिवारबाट स्वेच्छिक रूपमा गरिएको यस्तो सहयोगले मानवीय सहकार्य र सामाजिक एकताको सकारात्मक सन्देश दिएको छ।
भरत रिमाल यस नव त्रिवेणी मिडिया द्वारा संचालित त्रिवेणी टुडे अनलाईन पत्रिकाका अध्यक्ष तथा संचालक हुनुहुन्छ। जनताकाे निष्पक्ष आवाज बोल्नु हुन्छ। उहाँ विभिन्न समसामयिक विषयवस्तु, राजनीतिक र समाजमा भइरहेका विभिन्न विषयवस्तुमा रहेर कलम चलाउँदै पत्रकारिता गर्नुहुन्छ।
सम्पर्क नं: ९८४१४१२०७७